Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Novas do Concello

AUDITORIO DE COLES - NADAL

10/12/2017 - Novas do Concello

Este Nadal, no Auditorio de Coles, poderemos desfrutar coas actuacións das diferentes agrupacións do concello, así como algún invitado máis, que nos acompañará nestas datas.

O domingo, 17 de decembro, ás 18:30 horas serán as corais "A Torre" de Maside e "Encantiño" de Barra de Miño as encargadas de amenizar esta tarde de concerto.

O sábado 23 de decembro, ás 18:30 horas, Concerto de Nadal coa "Escola de Música de Coles" e representación teatral da "Escola de Teatro de Coles".

O domingo 7 de xaneiro, ás 18:30 horas, continuaremos co concerto das corais "Os Trinos" (Gustei) e "Cantares de Coles" (Coles).

E para rematar esta programación de Nadal, o domingo 14 de xaneiro, ás 18:30 horas, será a quenda para a coral "Liceo de Ourense".


LUDOTECA DE NADAL

10/12/2017 - Novas do Concello

Un ano máis nestas datas, o Concello de Coles oferta para os máis cativos unha Ludoteca de Nadal, enfocada a nenos e nenas de 3 a 12 anos.

Os días que permanecerá en funcionamento serán o 22, 26, 27, 28 e 29 de decembro e o 2, 3, 4 e 5 de xaneiro, en horario de 10:00 h a 13:00 h e cun prezo de 25 euros por neno.

Tamén se oferta a posibilidade horaria de 9:00 h a 14:00 h, cun prezo de 35 euros por neno, neste caso.

As prazas son limitadas e con preferencia para empadroados e empadroadas.

inscrición será ata o 19 de decembro.


Convocatoria persoal laboral temporal para o servizo de axuda a domicilio

15/11/2017 - Novas do ConcelloConvocatoria para a contratación laboral que logo se indica, en cumprimento do Decreto da Alcaldía de data 10/11/2017. 01. Número de prazas:8. 02. Denominación: auxiliar de axuda no fogar. 03. Modalidade de contratación: contratación laboral temporal para obra ou servizo determinado. 04. Xornada: completa, 40 horas semanais, de luns a domingo. 05. Servizo: Servizo de axuda a domicilio (SAD). 06. Sistema de selección: concurso de méritos. 07. Duración do contrato: ata a fin de servizo (31/12/2018). 08. Salario bruto mensual (incluídos todos os conceptos salariais e a parte proporcional das pagas extraordinarias): 1.044,14 €. 09. Prazo e lugar para a presentación de solicitudes e alegacións ás bases de selección: 7 días hábiles contados a partir do seguinte ao da publicación deste anuncio no BOP de Ourense, no Rexistro Xeral do Concello de Coles, en horario de 9.00 a 14.00 horas, de luns a venres, agás festivos. 10. O texto íntegro das bases de selección está a disposición dos interesados nas oficinas do Concello de Coles (Lugar Vilarchao, 34 – 32152 Coles) e na súa páxina Web www.concellodecoles.com

CONCERTO BANDA DE MÚSICA "SANTÁDEGA"

14/11/2017 - Novas do Concello

O sábado día 25 de novembro, ás 19:00 horas no Auditorio de Coles, a Banda de Música “SANTÁDEGA” ofrecerá un concerto para celebrar Santa Icía - Patroa da música.

A banda de música Santádega nace en marzo do 2008 por iniciativa de Luís Humberto Cao Fernández, pianista natural de Vilarchao (Coles). A denominación ten a súa orixe no castro da Santádega, (Cuadernos de Estudios Gallegos LIII, N.º 119 D. Ramón Otero Pedraio).

Esta iniciativa tamén vai parella á Escola de Música Municipal de Coles, na que se están formando os novos músicos. 

A idea foi acollida con entusiasmo por considerala de grande interese sociocultural para a recuperación da memoria musical desta zona na que as bandas tiveron un importante protagonismo.

Chegamos a ter ata oito bandas de música nas que os seus compoñentes, tanto músicos como directores, sempre se distinguiron polo seu talento e profesionalidade: Vilarrubín (1.850-1.955), Amoeiro (1.927-1.951), Rivela (1.905-1.951), Bóveda (1.930-1.959), Cornoces (1.918-1.935), Cambeo (1.930-1.945), Albán (1.925-1.952) e Coles (1.950-1.959).

Podemos citar algúns dos seus compoñentes, que estarán na mente de todos, como: Xosé Figueiras, Edmundo Figueiras, Claudino, Lloves, Prada, Facundo de Cambeo, Cándido Fernández, Chicho de Albán, Segis e Eliseo de Vilarchao, Manuel González, Hipólito, Adolfo de Vilarrubín, Lolo de Vilarchao, Manuel Cao, Berto e Adolfo de Cudeiro (os Pichís)...

O concerto inaugural tivo lugar o día 3 de maio do 2008 en San Eusebio (Coles), posteriormente realiza concertos en varias localidades de Galicia. Nestes anos de experiencia, a banda foi consolidando un historial digno de ter en conta, cun repertorio coidado e cunha interpretación moi matizada.


RECIBOS IMPOSTO SOBRE BENS INMOBLES

14/11/2017 - Novas do Concello

Como resultado do procedemento de REGULARIZACIÓN CATASTRAL realizado polo MINISTERIO DE HACIENDA Y FUNCIÓN PÚBLICA, no concello de COLES e en cumprimento da Lei Xeral Tributaria (Lei 58/2003, do 17 de decembro) e Lei Reguladora das Bases do Réxime Local (Lei 7/1985, do 2 de abril), procederase ao envío das liquidacións non prescritas, ás persoas afectadas, do imposto sobre bens inmobles (IBI).

Nas devanditas liquidacións a notificar, constan deducidas as cantidades liquidadas en anos anteriores pola mesma referencia catastral se fóra o caso.

Para calquera dúbida ou aclaración, o servizo de recadación da Mancomunidade Santa Águeda atenderaos en horario 9:00 horas a 14:00 horas ou ben en telefono 988 281 930.

Os contribuíntes afectados poderán solicitar fraccionamento do pago da débeda nas dependencias do concello de Coles ou da Mancomunidade Santa Águeda, quedando supeditada a súa concesión á correspondente resolución, emitida en base á Lei Xeral Tributaria.

 

 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal