Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Novas do Concello

CAMPAÑA DE LIMPEZA DE CAMIÑOS E VÍAS MUNICIPAIS

13/07/2018 - Novas do Concello

O concello de Coles rematou a primeira fase do plan de limpeza do concello. Esta fase tivo unha actuación a dúas bandas, a primeira delas desenvolta polo persoal do concello, os cales realizaron limpeza de cunetas de vías municipais, así como os diferentes rexistros que existen no concello en tódolos núcleos de poboación.  ​

Por outra banda, xunto con catro empresas, procedeuse á limpeza das vías e camiños dentro dos núcleos rurais. ​Seguindo co cronograma de actuación nos campos públicos, que se desenvolven ao longo de todo o ano.   ​

Estas  actuacións estiveron marcadas polas condicións climatolóxicas destas últimas semanas, que favoreceron o maior crecemento de vexetación, motivo de que nos próximos días se proceda á limpeza dos núcleos rurais e vías, que, de ser preciso, volverán a limparse nunha segunda volta.

A segunda fase do programa desenvolverase coas limpezas e rozas de camiños rurais, é dicir, os camiños que comunican os diferentes núcleos de poboación. Camiños que, por diferentes actividades deportivas, se limpan de forma regular durante o ano con motivo, por exemplo, da BTT e Ruta Cabalar, no primeiro semestre, ou da Andaina de Coles, no segundo.

Esta fase dará comezo nos próximos días, coa posta en marcha das  brigadas contra incendios.


LIMPEZA DE FONTES E LAVADOIROS

13/07/2018 - Novas do Concello

O concello de Coles, puxo en marcha este pasado mes de maio un programa integral de limpeza de fontes e lavadoiros existentes nas distintas aldeas do concello, actuándose nun total de 41 infraestruturas deste tipo.

 As tarefas, fundamentalmente, consistiron na limpeza de muros e peches dos lavadoiros, así como das fontes, e na retirada de lodos e máis na roza de toda a área de influencia. ​

Estas actuacións son un primeiro paso de cara á posterior restauración daquelas fontes e lavadoiros que o precisen, como iniciativa nun plan deseñado polo concello para recuperar e poñer en valor estas construcións, que ata fai unhas décadas tanta importancia tiveron na vida diaria da nosa xente, e que son parte do noso patrimonio etnográfico a preservar.


PERÍODO VOLUNTARIO DE COBRO DO IMPOSTO SOBRE BENS INMOBLES DE NATUREZA URBANA E RÚSTICA, EXERCICIO 2018.

01/07/2018 - Novas do Concello

Infórmase aos contribuíntes que o período voluntario de cobranza dos bens inmobles de natureza rústica e urbana (I.B.I.), para o exercicio 2018, comeza o 2 de xullo e finaliza o 3 de setembro, ambos inclusive.

Os recibos por este concepto estarán ao cobro en período voluntario, nas oficinas do CONCELLO DE COLES, mediante pago con tarxeta, ou na rede de sucursais da entidade bancaria colaboradora de ABANCA.

A partires do 4 de setembro do 2018 os recibos pasan a periodo executivo, nos prazos e coas recargas e intereses de demora que legalmente procedan.

O feito de non recibir o tríptico non exime das obrigas fiscais, podendo solicitar un duplicado e rectificar os erros que impediron a súa recepción.

Os recibos emitidos no ano 2018 manteñen os MESMOS TIPOS IMPOSITIVOS QUE SE VEÑEN APLICANDO DENDE O ANO 2012:

• Bens de natureza rústica: 0,34 %

• Bens de natureza urbana: 0,40 %

A base sobre a que se aplican os tipos impositivos indicados é a que establece o MINISTERIO DE HACIENDA a través do CATASTRO.

Por outra banda, nos recibos emitidos no ano 2018 indícase o número total de parcelas sobre as que se calculou o IBI, porque así o establece a lei, detallando as referencias catastrais dalgunha delas (ata un máximo de 8 segundo o modelo).

No número total de parcelas que consta no recibo están incluídas todas as edificacións que posúa o contribuínte, sempre segundo os datos facilitados polo catastro.

Para calquera aclaración,diríxanse ás oficinas municipais para ser informados ao respecto.


VERBENA CHARAMUSGAS

25/06/2018 - Novas do Concello

Este sábado 30 de xuño no Auditorio de Coles, a partir das 18:00 horas, VERBENA CHARAMUSGAS. Ambientada nos anos 40, e con premio ó mellor traxe da época, obradoiro de baile, concertos, teatro, artesanía local e moitas sorpresas.

PROGRAMA:

18:00 horas: apertura da mostra de artesanía do concello, postos, etc.

18:30 horas: teatro con A Run Run.

19:30 horas: obradoiro de baile con Ismael García.

21:00 horas: comezo da verbena a cargo de "DE PÉ FEITO".

22:00 horas: COANHADEIRA.

23:00 horas: gran foliada cos grupos invitados.

Petiscos para os invitados e chocolate ó fin de festa.


ACTIVIDADES DE VERÁN EN COLES

09/06/2018 - Novas do Concello

O concello  organiza un ano máis as “Actividades de Verán en Coles", ofertando o Campamento “Equal & Dance” e a Ludoteca “Gran Circo de Polgas”, impartida por A Run Run xogos e enredos.

Estas actividades propóñense como unha alternativa no tempo de lecer, para que os nenos e nenas aproveiten o horario laboral dos seus maiores para xogar, aprender e relacionarse con outros nenos.

O Campamento  EQUAL & DANCE desenvolverase no Centro de Educación Ambiental EQUAL, na parroquia de A Barra.

A data de realización do campamento será do 24 ó 30 de xuño, con horario de 9 h a 18:30 h.

Está enfocado para mozos e mozas de entre 7 e 14 anos, que poderán desfrutar de actividades coma xogos, baile moderno, actividades de natureza, obradoiros, piscina, hípica...

O custo por participante (con subvención concello) será: 90 euros na modalidade DIURNA e de 150 na COMPLETA.

A Ludoteca Gran Circo de Polgaslevarase cabo entre os días 25 de xuño e 29 de xullo, con horario de 10:00 a 13:00 horas, existindo a posibilidade de ampliar horario de 9:00 h a 14:00 h.

A Ludoteca está dirixida a nenos/as con idades entre 3 e 12 anos, e mesturará actividades tales coma xogos, contos e historias, paseos e parque, obradoiros de circo.....

O seu custo  (con subvención concello) será de 50 euros por neno/a.

Inscrición nalgunha destas actividades ou máis información sobre elas no teléfono do concello: 988 20 51 34

As prazas son limitadas e terán prioridade empadroados/as.

Inscrición ata o 21 de xuño.


 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal