Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Últimas Novas de Coles

EN CONCERTO- AUDITORIO DE COLES

05/11/2016 - Novas do Concello

Este mes de novembro, no Auditorio de Coles poderemos desfrutar de dúas fins de semana de concertos.

O sábado, día 12, ás 20:00 h, actuarán a banda de RNB "RENEGADOS" e a blues band "BLIND DRUNK AND BLUE"

E o sábado 19, tamén ás 20:00 h, farano as bandas "THE TETAS´VAN" e "MITOCONDRIAS".

 

RENEGADOS é unha banda de RNB formada por músicos de Ourense e Valencia, multicultural dende os seus comezos e con unha década de traxecto.

Aínda que os seus músicos beben de diversas correntes musicais, o seu repertorio mostra influencias do soul, blues, R&R e funk.

O repertorio está composto de versións de: James Brown, Blues Brothers, Ray Charles... etc. e temas propios marca da casa. Os seus directos convértense nunha experiencia musical divertida e chea de enerxía.

 

BLIND DRUNK AND BLUE é unha blues band que, despois de coincidir no 2015 en varios festivais nos que sempre se xuntaban no escenario para rematar cunha Jam Session, no 2016 deciden xunguir "Mitocondrias" e "The Carallos" para tocar blues da vella escola.

O seu repertorio está basado en temas compostos por dous dos seus membros, Camden Gary e David Taín, ademais de versións dos clásicos do blues: dende o Blues de Chicago de MuddyWaters, o Jazz Blues de Louis Amstrong, ó Revaival Inglés dos Rolling Stones.

 

THE TETAS VAN é unha banda, de mozas na súa maioría, que intenta divertir, transmitir e reivindicar a través da nosa lingua galega, con temas versionados e "coa colaboración de poetisas que nos regalan as súas verbas" para darlle vida na súa música.

 

MITOCONDRIAS. O xerme da banda formouse nun bar, no ano 1.989, aínda que ata o 92 non se fixo presentación en directo. No 93, de xira por Portugal ofrécenlles gravar un disco, do que sae "Tiempos Difíciles".

Xiran por España e Portugal, pero as idas e voltas dos músicos desestabilizaron a banda, ata que no 97, con David á guitarra conclúese a formación actual.

No 2003 como Power Trío editan "Quien no Corre Vuela" coa Discográfica ourensá Arteficción Discos e no 2006 como cuarteto, "Trankilidad".

No 2.007 fan dous vídeos musicais ("Perro" e "La Resaca"), unha canción deles foi editada nun recopilatorio de bandas ourensáns e autoeditan un concerto "Directo Na Radio Galega".

"A Banda non ten maior pretensión que a de tocar e pasalo ben namentres o corpo o ature e o público nos ature a nós".

 


DÍA INTERNACIONAL CONTRA A VIOLENCIA DE XÉNERO 25 DE NOVEMBRO

05/11/2016 - Novas do Concello

Co motivo do DÍA INTERNACIONAL CONTRA A VIOLENCIA DE XÉNERO 25 DE NOVEMBRO, o Centro de Información da Muller da Mancomunidade Santa Águeda organiza unha serie de actividades nos distintos Concellos que formamos parte da Mancomunidade e que se detallan a continuación.

1. DESCRICIÓN DE ACTIVIDADES

Actividades a desenvolver nos colexios na semana do 21 ao 25 de Novembro:

• Obradoiro de coeducación e prevención da violencia de xénero no terceiro ciclo de E.Primaria (un grupo en CEIP Plurilingüe Ramón Otero Pedrayo de Amoeiro, un no CEIP Roberto Blanco Torres de A Peroxa e dous en CPI Antonio Faílde de Coles)

• Obradoiro de coeducación e prevención da violencia de xénero no primeiro ciclo de E.Secundaria (dous grupos en CPR Malvedo e catro grupos no CPI Antonio Faílde en Coles)

Actividades a desenvolver nos grupos de Memoria ou de actividades deportivas das distintas parroquias dos Concellos da Mancomunidade:

• Realización de carteis con mensaxes.

• Redacción de documento de reflexión.

• Vídeos con cancións.

• Busca de poemas.

• Preparación de canción Obradoiro “Muller, violencia e micromachismo”, a desenvolver nos catro Concellos na semana do 14 ao 19 de Novembro.

O Obradoiro no Concello de Coles será o luns día 14 de novembro ás 18:00 h. no salón de Plenos do Concello.

O día 25 de novembro na Casa de Cultura de Amoeiro ás 18:00 h. teremos o acto central e encontro.


Ordenanzas fiscais. Proceso de consulta.

24/10/2016 - Novas do ConcelloA fin de darlle cumprimento ao sinalado no artigo 133 da Lei 39/2015, do 1 de outubro, do procedemento administrativo común das administracións públicas, sométese a consulta previa antes da súa aprobación, ata as 24 horas do día 3/11/2016, os textos das ordenanzas fiscais, obxecto de nova imposición e modificación das existentes.

O Concello de Coles emprega o Plan Marco para mellorar da capa de rodadura

24/10/2016 - Novas do Concello

Recentemente, acábanse de concluír os traballos de mellora de viarios municipais incluídos no denominado Plan Marco. En concreto, "MELLORA DA CAPA DE RODADURA EN CAMIÑOS DE ACCESO A EXPLOTACIÓNS AGRARIAS ENTRE OS NUCLEO DE BELESAR E LEVICES".

Permitiuse o acceso a propiedades ata entón inaccesibles e camiños intransitables.

O importe total da obra e de 60.192,66 €, O concello de Coles financia o 21% destas obras, mentres que o 79% restante procede do Fondo Europeo Agrario de Desenvolvemento Rural (FEADER, que aporta o 75% desta parte), o Ministerio de Agricultura, Alimentación e Medio Ambiente (MARM, que aporta o 7,5% de dita parte) e a Axencia Galega de Desenvolvemento Rural (AGADER, de quen procede o 17,5% restante da antedita proporción).


FESTA INFANTIL SAMAÍN

16/10/2016 - Novas do Concello

O domingo, 30 de outubro, de 17:00 h a 19:00 h, ven a desfrutar no pavillón de Coles da Festa Infantil do Samaín.

prezo das entradas será de 1 euro, con dereito a unha consumición.

venda das entradas farase o día 24 de outubro na Biblioteca do Concello, en horario de 17:00 h a 19:00 h.

Ven disfrazado, sexas neno ou adulto.

Haberá inchables para os nenos e moita diversión.

E recorda que tódolos nenos e nenas deberán vir acompañados dunha persoa adulta.


 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal