Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Últimas Novas de Coles

CAMPAÑA RECOLLIDA DE ALIMENTOS E XOGUETES - POR UN NADAL FELIZ PARA TODOS E TODAS

05/12/2016 - Novas do Concello

A agrupación de voluntarios de PROTECCIÓN CIVIL coa colaboración do CONCELLO DE COLES, e con diferentes supermercados do concello, "ONDA" (Vilarchao), "SPAR" (Vilarchao), Estanco-tenda "OFELIA" (Estación-Barra de Miño) e "CASA ALONSO" (Cambeo), levaran a cabo una campaña de recollida de alimentos e xoguetes a favor de BANCO DE ALIMENTOS OURENSE.

O punto de recollida para xoguetes e alimentos vai estar o sábado día 10 e sábado día 17 de decembro de 10:00 a 13:00, na BASE DE PROTECCIÓN CIVIL en Vilarchao (Lado Viveiros de Emprego).

Nos distintos supermercados do concello, "ONDA" (Vilarchao), "SPAR" (Vilarchao), Estanco-tenda "OFELIA" (Estación-Barra de Miño) e "CASA ALONSO" (Cambeo) se levará a cabo esta recollida de alimentos non perecedoiros.

A campaña durará ata 19 de decembro.

Os bancos de alimentos son organizacións sen ánimo de lucro baseados no voluntariado e cuxo obxectivo é recuperar excedentes alimenticios da nosa sociedade e redistribuílos entre persoas necesitadas, evitando calquera desperdicio ou mal uso.

Por un nadal feliz para todos e todas.

 Grazas por colaborar!!

 

TALLER BAILE MODERNO

04/12/2016 - Novas do Concello

O Concello de Coles organiza un taller de “Baile Moderno”.

Cada vez gusta máis o baile, e é por iso que quixemos converter o baile nun xogo no que ademais de aprender a bailar as cancións máis actuais cos estilos máis de moda (Hip-hop, Funky, House, Dance Hall, Street dance, Ragga, etc), fagan exercicio e melloren a súa coordinación.

Os talleres serán os días 28 de decembro e 4 de xaneiro, con horario de 18:00 h. a 19:00 h.

O que se pretende é crear unas clases de Baile Moderno ó longo do curso.

O baile é unha actividade que debería formar parte do desenvolvemento de todos os nenos e nenas xa que, a través del, van poder desenvolver unha mellor coordinación dos seus movementos, unha mellor rítmica, un maior control e coñecemento do seu corpo, desenvolver a memoria e mellorar as súas relacións sociais con outros nenos, ademais de, por suposto, estar a realizar un exercicio físico no que se moven e fortalecen todos os músculos do corpo.

Está dirixido a nenos e nenas a partir de 12 anos e será gratuíto.

A inscrición farase na Casa do Concello antes do día 22 de decembro.


LUDOTECA NADAL

04/12/2016 - Novas do Concello

Un ano máis, o Concello de Coles organiza a ” LUDOTECA DE NADAL”.

As mañás lúdicas preséntanse como unha alternativa no tempo de lecer, para que os nenos e nenas aproveiten o horario laboral dos seus maiores para xogar, aprender, bailar, facer deporte e relacionarse con máis nenos cos que compartan intereses comúns, sen esquecer o importante fondo educatico.

Entre as actividades que se levarán a cabo están: obradoiros de Nadal, xogos tradicionais polo bosque, festa de fin de ano, elaboración de manxares de Nadal e festa de Reis, entre outras.

A ludoteca vai dirixida a nenos e nenas dende os 3 ós 12 anos.

A inscrición farase na Casa do Concello antes do día 22 de decembro.

As datas nas que terá lugar a ludoteca serán o 26, 27, 28, 29 e 30 de decembro de 2016 e o 2, 3, 4 e 5 de xaneiro de 2017, en horario de 10:00 a 13:00h.

O custo total será de 25 euros.

A ludoteca será impartida por A RUN RUN xogos e enredos.

Existe a posibilidade de ampliar horario de 9:00 h a 14:00 h, cun custo de 35 euros.

As prazas son limitadas, con prioridade para nenos e nenas empadroados/as.


NADAL AUDITORIO DE COLES

04/12/2016 - Novas do Concello

O Concello de Coles organiza, un ano máis, o programa de actos no Auditorio de Coles, con motivo das festas de Nadal.

As actividades e actuacións, están dirixidas ó público en xeral e serán gratuítas.

Comezaremos este programa de Nadal o domingo día 11 ás 18:30 h, cun concerto a cargo da “CORAL DA RUADA”, que nos trae o seu “Festival de Ruada da Ourensanía”

O domingo día 18 ás 18:30 h, poderemos desfrutar co concerto a cargo da CORAL "ENCANTIÑO" (Barra de Miño) e da CORAL “OS TRINOS” (Gustei)

O venres día 23 ás 18:00 h, concerto de Nadal por parte dos alumnos e alumnas da “ESCOLA DE MÚSICA DE COLES”, coa participación da “BANDA INFANTIL SANTÁDEGA”.

E o estreno da “ESCOLA DE TEATRO DE COLES” ca peza cómica da “CANTATA DOS PASTORES” do século XVII.

O martes día 27 de decembro e o martes día 3 de xaneiro ás 16:30 h. teremos CINE INFANTIL.

E, para rematar, o domingo día 8 ás 18:30 h. concerto a cargo da CORAL: "AGARIMO” (O Porriño) e da CORAL “CANTARES DE COLES” (Coles).


MANIFESTO DÍA INTERNACIONAL CONTRA A VIOLENCIA DE XÉNERO - C.I.M. MANCOMUNIDADE SANTA ÁGUEDA

24/11/2016 - Novas do Concello

O día 25 de Novembro conmemoramos o Día Internacional contra a Violencia de Xénero, unha data que, un ano mais volvemos a sinalar desgrazadamente no calendario. Un día tinguido de morado, a cor da muller, en recordo a todas aquelas mulleres que continúan sendo vítimas de abusos e vexacións a mans da súa parella, ou que sinxelamente xa non están...

A violencia machista é unha das mais degradantes violacións dos Dereitos Humanos e non coñece de límites xeográficos, culturais nin de niveis económicos, unha inxustiza manifesta nos nosos fogares, no traballo e nas rúas, impedindo que a sociedade avance por un camiño de igualdade e de benestar.

Por todo isto, podemos afirmar que as mulleres, polo feito de selo, somos vítimas de esta violencia dentro dun modelo de sociedade patriarcal que segue discriminando, infravalorando e recortando moi gravemente os dereitos e liberdades fundamentais de mulleres e nenas.

Esta lacra desaparecerá cando as mulleres deixen de ser cidadanas de segunda e participen de forma igualitaria na sociedade. Desaparecerá cando deixen de estar á cabeza das cifras de pobreza, das listas de desemprego e de sufrir infravaloración dos nosos traballos e dos problemas de conciliación da nosa vida persoal, laboral e pública. Desaparecerá cando se deixe de empregar a nosa imaxe como obxecto de consumo, cando as nosas palabras se escoiten co mesmo volume que as dos homes e cando se nos nomee e se nos visibilice en tódolos espazos sociais. Desaparecerá cando exista unha verdadeira educación non sexista onde as nenas e os nenos teñan presente o futuro coas mesmas posibilidades.

Pero a violencia machista non se da soamente nestes ámbitos de parella e de familia, se non que tamén noutros contextos ou manifestacións mais alá dos asasinatos: A trata de mulleres existe no noso país. Mulleres vítimas do engano con falsas promesas de traballo e obrigadas a prostituírse baixo ameazas e extorsión. E tamén a mutilación xenital feminina, que non só se da en países subdesenrolados, se non que alcanza a través das migracións a países como o noso. Millóns de nenas son sometidas a estas prácticas con secuelas físicas e psíquicas irreversibles para elas.

Aínda que somos conscientes dos grandes avances que houbo na igualdade e na non discriminación, tamén é unha realidade que hoxe nos queda moito camiño por recorrer, polo que, queremos deixar patente o noso rexeitamento á violencia de xénero e fomentar modelos alternativos de convivencia, baseados no respecto e na igualdade. Por todo isto, con este manifesto:

- Queremos proclamar que a sociedade non pode nin debe tolerar unha morte nin agresión mais.

- Queremos proclamar que a sociedade non pode xustificar nin protexer ós homes que agriden, insultan, humillan, acosan e asasinan.

- Queremos proclamar que ningunha muller merece ser maltratada e que ninguén xustifica ó home que emprega a violencia para dobregala e sometela, co único fin de perpetuar o machismo.

Con este manifesto tamén queremos pedir que as institucións responsables articulen todos os recursos ó seu alcance para loitar contra esta lacra social, para que as mulleres teñamos unha resposta inmediata e efectiva cando pedimos axuda, garantindo a nosa seguridade e propiciando o noso benestar e os dos noso fillos e fillas.

Xa para finalizar, recordarvos a todas e todos: Se algo caracteriza as mulleres é a nosa fortaleza. Por isto, como muller, pido a todas as mulleres que nunca dubiden das súas capacidades, nin como persoa, nin como nai, nin como profesional. Todo isto lles axudará a saír adiante e non ceder ante as adversidades. E ós homes, que continúen mostrándose inflexibles ante calquera tipo de comportamento vexatorio neste plano. Xuntos podemos acabar con esta praga silenciosa que continúa tan presente na nosa sociedade.


 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal