Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Últimas Novas de Coles

TALLER “INTERNET E REDES SOCIAIS. SEGURIDADE E RISCOS”

22/09/2016 - Cultura e Deporte

O CONCELLO DE COLES, coa colaboración do C.P.I. ANTONIO FAÍLDE organiza este taller co que se pretende dar a coñecer as diferentes formas de comunicación existentes hoxe en día a través de Internet, e tendo como finalidade ofrecer unha visión actualizada sobre as redes sociais e as súas diferentes aplicacións. 

Este taller servirá para obter información de primeira man sobre seguridade e bo uso das redes sociais para a súa posterior aplicación e tratamento.

Os OBXECTIVOS serán:

- Achegar ós rapaces ás Redes Sociais.

- Informar sobre como obter información da rede a través de fontes fiables.

- Usar internet de xeito eficiente e seguro.

- Fomentar a comunicación mediante a utilización de APPs instaladas en dispositivos móbiles.

LUGAR, DATAS E HORAS DE REALIZACIÓN:

C.P.I. ANTONIO FAILDE - Os xoves 6, 13, 20 e 27 de outubro - de 16:15 h a 17:15 h.

A INSCRICIÓN SERÁ NO C.P.I. ANTONIO FAÍLDE, mediante as fichas que se entregarán ó alumnado.


ESCOLA DEPORTIVA MUNICIPAL DE JUDO

19/09/2016 - Novas do Concello

A Deputación de Ourense, coa colaboración do Concello de Coles, e co obxectivo de promover o deporte federado entre os máis novos, así como fomentar e favorecer a práctica deportiva entre os nenos e nenas, pon en marcha unha escola municipal deportiva de judo.

Esta actividade está dirixida a nenos e nenas de 6 a 14 anos.

Os interesados poden formalizar dende hoxe as súas inscricións a través das solicitudes que se entregaron no colexio C.P.I. ANTONIO FAÍLDE, ou ven no concello.

A data límite de inscrición será o 28 de setembro.

A actividade realizarase os mércores e venres de 18:30 h a 19:30 h e comezará o día 5 de outubro.

O custo para cada participante será de 9 euros.


SEMINARIO DIVULGATIVO

09/09/2016 - Novas do Concello

O vindeiro xoves 15 de setembro celebrarase un seminario divulgativo gratuíto sobre Fomento da economía social nos sectores máis dinámicos: CULTURA na Casa do Concello de Coles.

Esta actividade formativa impartirase de xeito intensivo, tendo unha duración de 5 horas cuxo inicio será ás 16:00 horas e terá o seu remate ás 21:00 horas desa mesma xornada.

O seminario enmárcase nas accións desenvoltas no “Mes do Cooperativismo Ourense” que se inclúe no seo do Programa OURENSE COOPERATIVA. Este programa é levado a cabo pola agrupación de concellos de Ourense (Amoeiro, A Peroxa, Coles, Ourense, O Pereiro de Aguiar e Vilamarín), que se institúe como Oficina de Fomento Cooperativo e da Economía Social integrada na Rede Eusumo .

O destino deste seminario, así como doutras actividades semellantes que tamén se realizan este mes, é permitir identificar oportunidades de negocio, innovar, mellorar a xestión de proxectos e crecer en novos mercados conformados en torno á economía social. Vai dirixido a todas aquelas persoas interesadas en coñecer as oportunidades que ofrece a economía social, como a persoas ou axentes intermedios interesados en coñecer as potencialidades da economía social en diversos sectores.

O número de inscricións limítase a un máximo de 20 persoas, debendo materializarse a través do seguinte enderezo electrónico: comunicacion@ourensecooperativa.gal

Máis información en http://ourensecooperativa.gal


A ESCOLA DE MÚSICA DE COLES ABRE O PRAZO DE MATRICULACIÓNS PARA O CURSO 2016/2017

04/09/2016 - Novas do Concello

O prazo de inscrición para o curso 2016-2017 da Escola de Música Municipal de Coles está aberta dende o día 5 ó 19 de setembro.

A oferta é moi ampla e variada, dende Música e movemento (para menores de 7 anos), solfeo e linguaxe musical, a formación instrumental (en instrumentos como: frauta, clarinete, saxofón ou trombrón, tuba, percusión, pandeireta, etc.)

En música, completarase a ensinanza con participación en grupos colectivos que se organicen na escola, como é o caso da Banda Infantil.

Os interesados deberán realizar a inscrición nas oficinas do Concello. O horario de atención ó público é de 8:30 h a 14:30 h.

A presentación do vindeiro curso da ESCOLA DE MÚSICA será o día 30 de setembro ás 20:00 h no Auditorio de Coles.


ACTIVIDADES 2016/2017 PAVILLÓN DE COLES

04/09/2016 - Novas do Concello

Aberto o prazo de inscrición para as actividades que se desenvolverán no Pavillón de Coles durante o período 2016/2017.

As actividades que se levarán a cabo este ano son: os luns CARDIO ás 20:00 h., IOGA os martes ás 20:30 h, os mércores ás 20:00 h. PILATES e os xoves ás 20:30 h. AEROBIC DANCE.

Poderá haber cambios en grupos e horarios segundo a xente inscrita.

O custo será de 5 euros mensuais por actividade para empadroados/as e 10 euros mensuais para non empadroados/as (prioridade na inscrición empadroados).

Será necesaria a inscrición no concello, ata o día 25 de setembro.

O comezo das actividades será o día 3 de outubro.


 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal