Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Últimas Novas de Coles

ROMARÍA BRAVA

31/08/2016 - Novas do Concello

O Concello de Coles colabora coa organización da “Romaría Brava” , que se celebrará o sábado 10 de setembro no campo da festa de Cambeo.

Haberá sesión vermú, xantar con empanada e bebida a prezos populares, animación infantil e obradoiro de baile tradicional.

A partir das 19:00h, a tarde estará amenizada cos concertos de: As Macizas Centrais, Punkiereteiras, Porcas Bravas e Airinhos de Estrume.

Trae o teu instrumento e desfruta da Romaría Brava!!


I MARATÓN DE AEROBIC DANCE

29/08/2016 - Novas do Concello

O Concello de COLES colabora na organización de I MARATÓN DE AEROBIC DANCE, xunto con Centro Bienestar, que terá lugar o sábado día 17 de setembro, no pavillón polideportivo de Albán.

O aerodance é unha actividade dirixida aeróbica onde se utilizan diferentes coreografías (con base musical), compostas de movementos básicos de diferentes ritmos como son salsa, merengue, cumbia, reggaetón, samba, bellydance, flamenco, electrónico, africana, árabe e outros ritmos do mundo

Está enfocada a manter un corpo saudable, outorgándolle desenvolvemento cardiovascular, tonificación muscular, expresividade, coordinación e flexibilidade. A actividade está exposta de tal forma que pretende ser unha maneira divertida e dinámica de poñerse en forma, de mellorar as capacidades coordinativas e como non, a expresividade, a desinhibición, favorecer unha autoestima sa e benestar xeral.

O máis importante é pasalo ben e... non perder o sorriso!. Non importa a idade, o ritmo ou nivel de coordinación. A inscrición previa realizarase no Concello.

O custo da actividade é de 5 €, poderán participar a partir de 12 anos, sendo gratuíta de 12 anos a 17 anos. A actividade será impartida pola monitora Marga Ansias Varela.


INSPECCIÓN TÉCNICA DE CICLOMOTORES

22/08/2016 - Novas do Concello

 O próximo día 26 de setembro, os ciclomotores de dúas rodas e máis de 3 anos de antigüidade poderán pasar a I.T.V. na estación móbil que se instalará nas inmediacións do Edificio de Protección Civil en Vilarchao.

Os horarios serán de 9:00 h a 13:30 h pola mañá e de 15:15 h a 18:00 h pola tarde.

A documentación que se deberá de levar para revisar os ciclomotores de dúas rodas é: o permiso de circulación, a tarxeta de inspección técnica ou certificado de características do vehículo e o seguro obrigatorio.

O teléfono de solicitude de cita previa é o 902 30 90 00 ou nas oficina do Concello.


INSPECCIÓN TÉCNICA DE VEHÍCULOS AGRÍCOLAS

22/08/2016 - Novas do Concello

Os próximos días 16, 19 e 20 de setembro, os vehículos agrícolas poderán pasar a I.T.V. na estación móbil que se instalará nas inmediacións do polideportivo de Albán.

Os horarios serán de 9:00 h a 13:30 h pola mañá e de 15:15 h a 18:30 h pola tarde.

O día 16 o horario será de de 9:00 h a 13:30 h pola mañá.

Os vehículos agrícolas con menos de oito anos de antigüidade están exentos de pasar a inspección mentres que os que teñen menos de 16 pasarana cada dous anos. Só aqueles vehículos que teñan máis de 16 anos deberán pasar unha inspección anual.

A documentación que se deberá de levar para revisar o vehículo agrícola é: o permiso de circulación, a tarxeta de inspección técnica ou certificado de características do vehículo, o seguro obrigatorio e a cartilla de inscrición agrícola.

O teléfono de solicitude de cita previa é o 902 30 90 00, nas oficinas do concello ou na páxina web www.sycitv.com.


BANZO TENZA DE CANS

29/07/2016 - Novas do Concello

Co fin de regular algúns aspectos relativos á tenza de cans no Concello de Coles, e tendo en conta a Lei 1/1993, de 13 de abril, de Protección de Animais Domésticos e Salvaxes en Catividade (C.A. DE GALICIA), o decreto 153/1998 de 2 de abril (C.A. DE GALICIA), a Lei 50/1999 , de 23 de decembro (ESTATAL), o Real decreto 287/2002, de 22 de marzo (Estatal)e o decreto 90/2002 de 28 de febreiro e o decreto 94/2008 do 30 de abril, polo que se regula a tenza de animais potencialmente perigosos na Comunidade Autónoma de Galicia e se crea o rexistro galego de identificación de animais de compañía e potencialmente perigosos e de adestradores caninos (C.A. DE GALICIA), recórdase a todos os propietarios ou posuidores de cans, a obrigatoriedade do cumprimento da normativa e expresamente:

- A obriga de tratalos humanamente e mantelos en boas condicións hixiénico-sanitarias, de acordo coas características da especie. 

- A tenza de un can de raza Potencialmente Perigosa requirirá a obtención previa dunha licencia administrativa outorgada polo Concello, nos termos previstos no artigo 3 da lei 50/1999 do 23 de decembro, outorgada polo Concello, de forma gratuíta, e dun seguro de responsabilidade civil. 

- A identificación dos animais da especie canina, coa debida garantía, é obrigatoria sen excepcións. Os propietarios criadores ou posuidores de animais terán a obriga de identificar os animais cun microchip nos tres primeiros meses de vida ou nun mes dende a súa adquisición. 

- Adoptar as medidas necesarias para que o animal non poida acceder libremente ás vías e espazos públicos ou privados, así como impedir o seu libre acceso a persoas, animais ou cousas que se achen neles.

 -Os posuidores de animais que se atopen en liberdade en leiras ou recintos deberán dispoñer os medios adecuados para evitar que poidan ocasionar danos ou molestias aos viandantes. Así mesmo procurarán que a circulación e transporte dos seus animais pola vía pública lévese a cabo coas adecuadas medidas de protección,   tales como a correspondente correa ou cadea non superior a dous metros e bozal, sen que en ningún caso poidan estar soltos nas zonas indicadas.

- A adoptar as medidas necesarias para impedir que ensucien as vías e espazos públicos de zonas urbanas, debendo recoller os excrementos que os animais depositen nas beirarrúas, vías e espazos públicos  

Do cumprimento do sinalado anteriormente, o posuidor dun animal, sen prexuízo da responsabilidade civil subsidiaria do propietario, será responsable dos danos, prexuízos e molestias que ocasione ás persoas, animais, cousas, espazos públicos ou ao medio natural en xeral, de acordo co establecido no artigo 1905 do Código Civil .

 
 
 

 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal