Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Últimas Novas de Coles

CAMPAMENTO DE DÍA “DANZA E NATUREZA”

10/06/2016 - Novas do Concello

O Campamento de Día “DANZA E NATUREZA” desenvolverase no Centro de Educación Ambiental EQUAL, na parroquia de A Barra, coa colaboración do CENTRO COPELIA.

O campamento está enfocado para mozos e mozas de idades entre 7 e 14 anos.

A data de realización do campamento será do 4 ó 8 de xullo, con horario de 9 h a 18:30 h.

O día a día confórmase coas actividades programadas, algunhas delas de realización diaria, como DANZA, piscina e outras formadas por obradoiros de medio ambiente, teatro e manualidades, así como diferentes xogos.

Desenvolverase unha actividade diaria de carácter lúdico na que os diversos xeitos de comunicación e relación interpersoais, a través do xogo, o deporte, a arte, o teatro e a interacción coa natureza, serán elementos moi importantes que van favorecer a diversión, a convivencia e a cooperación.

Coa expresión plástica e artística as nenas e os nenos serán capaces de interpretar os diversos códigos expresivos, mellorar as súas habilidades comunicativas e facer un uso axeitado do espazo.

A paisaxe natural e humán que vai servir como escenario, durante o campamento que presentamos, é rural de interior. Esta característica facilitará o achegamento á natureza e á xente que conforma esta pequena aldea de A Barra. Pretendemos con este campamento achegar ós participantes á natureza para observala, desfrutala e interpretar a súa linguaxe plástica.

O desenvolvemento do campamento acolle outras actuacións, como son a animación e a educación ambiental, presentando unhas actividades troncais en torno á temática elexida e outras que están presentes de xeito transversal ó longo do desenvolvemento do campamento en todas as actividades da vida cotiá e que están relacionadas coa adquisición de procedementos e comportamentos durables no tempo e relativos ó aseo persoal e á hixiene, á saúde e a prácticas ambientais sinxelas.

CUSTO E PRE-INSCRICIÓNS

O custo do campamento é de 85 euros por participante.  Soamente empadroados/as.

Para formalizar as pre-inscricións será necesario facilitar os seguintes datos:

  • Nome e apelidos.
  • DNI
  • Dirección, teléfono e e-mail (optativo) do responsable familiar así como do/a menor con interese en participar no campamento.

Estas informacións poderanse facilitar a partires do luns 13 de xuño, e a través de calquera dos seguintes medios:

  • Tlf.: 988205134
  • En persoa, nas oficinas da Casa do Concello.

As prazas son limitadas.


CONTRATACIÓN DE PERSOAL DE AXUDA NO FOGAR

08/06/2016 - Novas do Concello

A presente convocatoria ten por obxecto a selección de dous traballadores/as para o desempeño dun posto de “Auxiliar de axuda no fogar” mediante a formalización de contrato laboral temporal.

DURACIÓN contrato: (23/06/2016 - 22/12/2016)

XORNADA: COMPLETA

PRAZO DE PRESENTACIÓN DE SOLICITUDES ATA O DÍA 15 DE XUÑO (INCLUÍDO).

Á vista da proposta do Tribunal, será contratada a persoa de maior puntuación, quedando os demáis en lista de espera para a cobertura de posibles baixas ou novas demandas no servizo, nas condicións establecidas nas bases.

As bases están a disposición nas oficinas do Concello


AUDITORIO MES DE XUÑO

31/05/2016 - Novas do Concello

Ao longo do mes de xuño vanse realizar as seguintes actuacións no Auditorio de Coles.

A primeira será o domingo día 5 ás 19: horas, o Grupo de teatro "IAD 14" do IES UNIVERSIDADE LABORAL OURENSE presenta a comedia satirica “LISÍSTRATA " con adaptación dramatúrxica de MATILDE VÁZQUEZ IGLESIAS. A comedia Lysístrata (a que disolve o exército) de Aristófanes (comediógrafo grego , ano 411 a.c.) ten múltiples versións na cultura universal. Unha delas é , a reescritura en clave queer, que realiza no ano 1987 o alemán Ralf König no seu cómic Lisístrata. A Lisistrata que nos presentamos é unha adaptación propia, onde se combina a versión orixinal con esta outra de enfoque novedoso. Temos nesta comedia satírica un exemplo de utopía cómica, do mundo ao revés. As sofridas mulleres dos guerreiros do Peloponeso, fartas deesperar o regreso dos seus maridos malferidos do campo de batalla, capitaneadas por Lisístrata , apodéranse da Acrópole e do diñeiro que alí se garda para armamento e néganlles o favor sexual ós seus conxuxes, convencidas de que así eles , desesperados por non poder desfogarse, asinarán a paz. Co que elas non contaban é que cando unha muller alónxase dun home sempre hai outro home disposto a ocupar séu lugar.

O venres día 10 ás 20:00 horas vaise ofrecer os concertos de fin de curso da Escola de Música do Concello de Coles. No que actuarán os alumn@s, Cantareiras "Charamusga", Banda de música Infantil e a Banda de música "SANTADEGA".

O domingo día 19 ás 19:00 horas, a compañía "DINAMO TEATRO" cós humonistas Pedro Brandariz e Felipe Díaz “Caxoto” presentan "RADIO TORREIRO", unha emisora radiofónica que en cada función teatral fai unha emisión en directo co público como protagonista e único receptor. Esta emisora tan particular é temática: encárgase de recoller toda a información vinculada ás festas, verbenas, romarías e demais celebracións populares que poboan Galicia durante todo o ano. Os dous locutores irán debullando os diferentes programas da grella onde se irán recollendo as escenas máis cómicas das festas: os bailes da sesión vermú, as encherolas das festas, as repichocas das verbenas, as incómodas situacións á hora de pedir para a festa, etc. Todo dende un punto de vista humorístico, irónico e mordaz. A comedia Radio Torreiro vai dirixida preferentemente ao público adulto

Para remate das actuacións do mes de xuño e de tempada o domingo día 26 ás 19:00 horas teremos un concerto do grupo "CLAVE DE FADO" formado por Iría Estevéz Piña e Gonzo Piña. " CLAVE DE FADO" e un grupo independente que nace en Galicia a finais do 2009 . A súa música bebe do fado e a cantiga galega, pero recibe múltiples influencias doutros estilos como a bossa-nova. Unha proposta aberta e actual, que nos descobre unha vez máis, que o fado é unha música universal, que pode transformarse e viaxar a todo a todo o mundo.

Estas duas últimas actuacións está subvencionada nun 50 % pola terceira edición de 'Cultura no Camiño', correndo a cargo o restante ós fondos do Concello.


CONTRATACIÓN DE PERSOAL DE AXUDA NO FOGAR

22/05/2016 - Novas do Concello

A presente convocatoria ten por obxecto a selección de dous traballadores/as para o desempeño de dous postos de “Auxiliar de axuda no fogar” mediante a formalización de contrato laboral temporal.

DURACIÓN contratos:

  • 1 posto (01/06/2016-30/11/2016)
  • 1 posto (01/06/2016-31/12/2016)

XORNADA: COMPLETA

PRAZO DE PRESENTACIÓN DE SOLICITUDES ATA O DÍA 25 DE MAIO.

Á vista da proposta do Tribunal, serán contratadas as persoas de maior puntuación, quedando os demáis en lista de espera para a cobertura de posibles baixas ou novas demandas no servizo, nas condicións establecidas nas bases.

As bases están a disposición nas oficinas do Concello.


CONCERTOS DE PRIMAVERA

09/05/2016 - Novas do Concello

O vindeiro día 15 de maio, terá lugar, o primeiro concerto do ciclo CONCERTOS DE PRIMAVERA dentro da programación do Auditorio de Coles.

Abrirá o programa o concerto a cargo de Álvaro Blanco Seoane (Piano), e José Manuel Mosquera (Clarinete).

O domingo día 22 de maio o turno será para Naiara Acuña Celada (Piano), e Alberto Loureiro Casas (Saxo-Alto-Soprado).

Para pechar este ciclo de concertos contaremos, o día 29 de maio, coa Compañía Lírica de Galicia. Unha actuación extraordinaria na cal se representarán algunhas das obras musicais de maior beleza de tódolos tempos no seo da gala denominada “Gala Lírica de Opera e Zarzuela”.

O programa da compañía inclúe algunhas das creacións máis fermosas escritas para a voz humana. Os mellores solistas da Compañía Lírica de Galicia, interpretarán obras mestras da Lírica, que emocionan ó público máis esixente e non deixan indiferente a ninguén.

Esta última actuación está subvencionada nun 50 % pola terceira edición de 'Cultura no Camiño', correndo a cargo o restante ós fondos do Concello.

Tódolos concertos serán ás 19 horas.


 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal