Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Novas do Concello

FORO EMPRENDEMENTO

02/10/2016 - Novas do Concello

O concello de Coles organiza un programa de impulso para o emprendemento da mocidade deste municipio, pretendendo a participación directa da mesma na busca activa de emprego e na posta en valor dos recursos endóxenos. Sendo, ó mesmo tempo, un laboratorio de emprendemento.

O que se pretende con esta actividade é promover a empregabilidade e emprendemento mediante a visibilización de experiencias rurais de éxito no seu entorno, e dotar de ferramentas precisas, de forma activa e dinámica, para o emprendemento, establecendo un intercambio de experiencias en campos que son viables como vía de negocio do rural.

O Foro de emprendemento comprende tres foros, onde expertos en diversas materias compartirán as oportunidades de negocio no noso concello:

a. Apicultura como vía de negocio.

b. Produción de cervexa.

c. A plantación de mazairas para a produción de sidra.

O lugar de realización do foro será o sábado día 8 de outubro no Auditorio de Coles ás 18:30 h.

 
 
 

IX ANDAINA DE COLES

02/10/2016 - Novas do Concello

A IX ANDAINA DE COLES terá lugar o próximo domingo, 23 de outubro de 2016.

O punto de partida estará situado na CARBALLEIRA DE VILARCHAO.

Vaise realizar sobre unha distancia aproximada de 21 quilómetros, sendo circular, con punto central a CARBALLEIRA DE VILARCHAO, podendo realizar un percorrido máis curto de 10 quilómetros.

A hora de saída será ás 9:30 horas, entregándose os dorsais 30 minutos antes.

A cota de inscrición será de 5 euros, que se fará efectiva o mesmo día da andaina, e previa inscrición no concello de Coles.

Dos 5 euros, 2 € serán para gastos de organización e 3€ para a ONG "FURGONETA SOLIDARIA A GUINEA BISSAU” (FUNDACIÓN CUM LAUDE), co Progama solidario “PROXECTO DE POSTA EN MARCHA DUN PEQUENO DISPENSARIO MÉDICO EN GAMBASSE, UNHA ALDEA DA SELVA GUINEANA “ .

Ó longo dos percorridos haberá varios puntos de avituallamento e, ó finalizar a proba, bocadillos, froita e bebida.

Sendo a data de incrición ata o día 20 de outubro.


OBRADOIRO DE TEATRO

01/10/2016 - Novas do Concello

O Concello de Coles organiza un OBRADOIRO DE TEATRO dirixido tanto a rapaces como a adultos.

As persoas interesadas deberán facer a inscrición no concello

O venres, día 14 de outubro, será o acto de presentación, ás 20:00 h no salón de plenos do Concello.

Neste acto de presentación, o grupo determinará os horarios no que se levará a cabo o obradoiro.

O grupo vai estar dirixido por Matilde Vázquez.


ESCOLA DEPORTIVA MUNICIPAL DE JUDO

19/09/2016 - Novas do Concello

A Deputación de Ourense, coa colaboración do Concello de Coles, e co obxectivo de promover o deporte federado entre os máis novos, así como fomentar e favorecer a práctica deportiva entre os nenos e nenas, pon en marcha unha escola municipal deportiva de judo.

Esta actividade está dirixida a nenos e nenas de 6 a 14 anos.

Os interesados poden formalizar dende hoxe as súas inscricións a través das solicitudes que se entregaron no colexio C.P.I. ANTONIO FAÍLDE, ou ven no concello.

A data límite de inscrición será o 28 de setembro.

A actividade realizarase os mércores e venres de 18:30 h a 19:30 h e comezará o día 5 de outubro.

O custo para cada participante será de 9 euros.


SEMINARIO DIVULGATIVO

09/09/2016 - Novas do Concello

O vindeiro xoves 15 de setembro celebrarase un seminario divulgativo gratuíto sobre Fomento da economía social nos sectores máis dinámicos: CULTURA na Casa do Concello de Coles.

Esta actividade formativa impartirase de xeito intensivo, tendo unha duración de 5 horas cuxo inicio será ás 16:00 horas e terá o seu remate ás 21:00 horas desa mesma xornada.

O seminario enmárcase nas accións desenvoltas no “Mes do Cooperativismo Ourense” que se inclúe no seo do Programa OURENSE COOPERATIVA. Este programa é levado a cabo pola agrupación de concellos de Ourense (Amoeiro, A Peroxa, Coles, Ourense, O Pereiro de Aguiar e Vilamarín), que se institúe como Oficina de Fomento Cooperativo e da Economía Social integrada na Rede Eusumo .

O destino deste seminario, así como doutras actividades semellantes que tamén se realizan este mes, é permitir identificar oportunidades de negocio, innovar, mellorar a xestión de proxectos e crecer en novos mercados conformados en torno á economía social. Vai dirixido a todas aquelas persoas interesadas en coñecer as oportunidades que ofrece a economía social, como a persoas ou axentes intermedios interesados en coñecer as potencialidades da economía social en diversos sectores.

O número de inscricións limítase a un máximo de 20 persoas, debendo materializarse a través do seguinte enderezo electrónico: comunicacion@ourensecooperativa.gal

Máis información en http://ourensecooperativa.gal


 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal