Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Novas do Concello

CAMPIONATO GALEGO DE INVERNO K2/C2

11/04/2018 - Novas do Concello

O sábado, día 14 de abril, no concello Coles teremos unha cita co piragüismo en Barra de Miño ás 10:00 horas, co Campionato Galego de Inverno K2/C2.


CAMPAÑA DE PREVENCIÓN DE INCENDIOS NOS NÚCLEOS RURAIS - CHARLAS INFORMATIVAS

24/03/2018 - Novas do Concello

O Concello de Coles, xunto con Distrito XII de Medio Rural, organizou unha Campaña de Sensibilización Preventiva sobre os Incendios Forestais.

Esta campaña organízase en nove charlas informativas que se desenvolvesen nos locais sociais das distintas parroquias de concello de Coles, co fin de implicar a todos os veciños e veciñas na prevención de incendios forestais, e o papel fundamental que teñen os propietarios e propietarias dos terreos.

Con esta campaña, que se desenvolverá ao longo do mes de abril, quérese presentar as novidades na lexislación actual, e resolver as dúbidas que os asistentes teñan.

Nestas charlas presentarase un mapa de franxas de limpeza nos distintos núcleos rurais que elaborou o Concello de Coles.

As  xuntanzas serán  en  CAMBEO, o venres, 06 de abril, ás 19:00 horas; GUSTEI, o sábado,   07 de abril, ás 18:00 horas; SOBRAL,  o  sábado,   07 de abril, ás 19:30 horas; RIBELA, o domingo, 08 de abril ás 12:00 horas; MIEGODEVILA, o venres,  13 de abril ás 19:00 horas;  FERREIROS, o sábado 14 de abril ás 18:00 horas; VILAR, o sábado,   14 de abril ás 19:30 horas; A BARRA, o domingo, 15 d abril ás 12:00 horas; e en  VILARCHAO o  venres 20 de abril ás 19:00 horas (salón de plenos do Concello). 


PERIODO DE COBRANZA VOLUNTARIA 2018 - I.V.T.M. E LIXO

24/03/2018 - Novas do Concello

O Concello de Coles informa de que o prazo para o pago voluntario do IMPOSTO SOBRE VEHÍCULOS DE TRACCIÓN MECÁNICA e LIXO de 2018 permanece aberto  o próximo 1 de abril.

Para ofrecer un mellor servizo aos veciños e veciñas, a partir deste ano, o SERVIZO DE RECADACIÓN MUNICIPAL é nas DEPENDENCIAS MUNICIPAIS DO CONCELLO DE COLES.

Este ano, como en anteriores, mantéñense as tarifas de anos anteriores, dentro da política municipal de conxelación de impostos e taxas.

Para facilitar o seu pago voluntario manterase aberto ata o 31 de maio.

 A recarga de apremio e vía executiva será a partir de 1 de xuño de 2.018.

Poderase realizar o pago en calquera Oficiña de ABANCA ou na oficiña de recadación, no edificio do Concello de Coles (planta baixa), mediante pago  TPV (pago con tarxeta). 

Os documentos de cobro foron enviados ao domicilio declarado por correo ordinario. En caso de non recibilo, o obrigado ao pago debe acudir ás oficinas municipais  de recadación, no edificio do Concellode Coles (planta baixa), para obter un duplicado, xa que a súa non recepción no domicilio non exonera da obriga de pago, nin impide a utilización da vía de apremio  e vía executiva.

 


AUDITORIO COLES MES DE ABRIL

22/03/2018 - Novas do Concello

Ó longo do mes de abril vanse realizar as seguintes actuacións no Auditorio de Coles.

O domingo día 15  ás 19:00 horas, desfrutaremos dunha tarde de concerto a cargo da "BANDA DE MÚSICA DA LIMIA".

BANDA DE MÚSICA DE COLES "SANTÁDEGA" ofrécenos un concerto o domingo día 22 ás 19:00 horas. 

E para remate de actuacións do mes de abril, o domingo día 29  ás 19:00 horas, concerto de acordeón de "FOLES DE OURENSE", cos alumnos e alumnas  de escolas de música e do Conservatorio de Música de Ourense, baixo a dirección de Celia Adrián.  


PREVENCIÓN DE INCENDIOS FORESTAIS. OBRIGAS DOS/AS PROPIETARIOS/AS NA LIMPEZA DE FINCAS

22/03/2018 - Novas do Concello

Coa chegada do verán é do máximo interese para tódolos veciños e veciñas de Coles que as leiras, montes e soares existentes no Concello se atopen nun axeitado estado de limpeza e coa masa vexetal desbrozada. Se ben este é un deber que teñen os propietarios de terreos durante todo o ano, nestas datas cobra unha especial relevancia polo risco de incendios.

A lexislación vixente é moi clara ó respecto; así de conformidade co disposto na Lei 3/2007, do 9 de abril, de prevención e defensa contra os incendios forestais de Galicia, obrígase á limpeza das leiras antes do 30 de xuño nas seguintes condicións:

-XESTIÓN DA MALEZA NUNHA FRANXA DE 50 METROS AO REDOR:

• do núcleo rural.

• de edificacións de calquera tipo (vivendas, galpóns, …). No caso de construcións sen licenza ou que non se axustaran á licenza concedida, o responsable da xestión da maleza/árbores é o titular da edificación, según establece a propia Lei.

• de infraestruturas de uso público e áreas recreativas.

-XESTIÓN DA MALEZA QUE SE ATOPE A MENOS DE 2 METROS DO BORDE DAS VÍAS E CAMIÑOS.

-CERTAS ÁRBORES REGULADAS NA DISPOSICIÓN ADICIONAL TERCEIRA (PIÑEIROS, EUCALIPTOS ACACIAS…), NON PODEN ATOPARSE A:

• menos de 50 metros das edificacións.

• menos de 2 metros do borde das vías e camiños.

O incumprimento dará lugar á imposición de sancións por parte da Consellería do Medio Rural.


 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal