Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Novas do Concello

LUDOTECA DE NADAL

02/12/2014 - Novas do Concello

Con motivo das vacacións de Nadal o Concello de Coles organiza unha ludoteca para nenos e nenas con idades comprendidas entre os 3 e os 12 anos.

A inscrición farase na Casa do Concello antes do día 18 de decembro.

As datas nas que terá lugar a ludoteca serán do 22, 23, 26, 29 e 30 de decembro de 2014 e o 2 e 5 de xaneiro de 2015 en horario de 10.00 a 13.00h.

Entre as actividades que se levan a cabo están talleres de creatividade artística ( barro, collage...) xogos populares sesións de contacontos e animación á lectura, xogos dirixidos e libres, e moito mais. Sen que se nos esquece celebrar fin de ano e reis.

O custo total será de 5 euros, e so poderán participar nenos e nenas empadroados/as.


BASES PARA A CONTRATACION DE PERSOAL DE AXUDA NO FOGAR

01/12/2014 - Novas do Concello

BASES PARA A CONTRATACIÓN, POLO CONCELLO DE COLES, DE CATRO TRABALLADORES/ASNA OCUPACIÓN DE AUXILIARES DE AXUDA NO FOGAR.

TIPO DE CONTRATO: OBRA OU SERVIZO

DURACIÓN ESTIMADA: 12 MESES (01/01/2015-31/12/2015)

XORNADA: COMPLETA

PRAZO DE PRESENTACIÓN DE SOLICITUDES ATA O DÍA 4 DE DECEMBRO. 


DÍA INTERNACIONAL CONTRA A VIOLENCIA DE XÉNERO

22/11/2014 - Novas do Concello

O 25 de novembro conmemórase o DÍA INTERNACIONAL CONTRA A VIOLENCIA DE XÉNERO.

No que levamos de ano 2014 foron 44 as vítimas deste tipo de violencia (6 en Galicia).

Pero ás 44 vítimas mortais tamén debemos sumar os 32 menores orfos, as 62.110 denuncias (de xaneiro a xuño), as 16.293 ordes de protección (de xaneiro a xuño) e a dor e repulsa de familiares e de toda a sociedade ante estas alarmantes cifras.

Con motivo desta conmemoración, o Concello de Coles quere expresar o seu rexeitamento e repulsa a todo tipo de violencia exercida contra a muller.


AUDITORIO - MES DE NOVEMBRO -

08/11/2014 - Novas do Concello

O sábado, día 15, ás 18:30 horas no Auditorio, poderemos desfrutar na compaña do Grupo de Teatro BARBAÑÁ que nos presentan: "Una rosa es  una rosa".

Tamén teremos a oportunidade de volver a escoitar a Luis Humberto (piano) e Baldomero Pavón (acordeón e tenor) no Concerto de Santa Icía (Patroa da Música) que terá lugar o domingo, día 23, ás 18:00 horas no Auditorio.

E o sábado, día 29, ás 18:30 horas no Auditorio, Conferencia sobre Seguridade Viaria baixo o lema "Coñecer e Vivir". Organizada coa colaboración da Xefatura Provincial da Dirección Xeral de Tráfico, a Asociación Provincial de Autoescolas de Ourense, a Deputación de Ourense e o Concello de Coles.


EXENCIÓN DO CANON DA AUGA E COEFICIENTE DE VERTEDURA

01/11/2014 - Novas do Concello

A Lei 9/2010 de augas de Galicia estableceu unha exención no canon de auga e, no seu caso, no coeficiente de vertedura para as persoas que se atopen en situación de exclusión social.

A tal efecto, os distintos beneficiarios desa exención deben presentar una solicitude a a Augas de Galicia, medinte modelo establecido ao efecto (Modelo AU203K) xunto o cal deben aportar un informe emitido polos servizos social do concello mediante un modelo normalizado. Dispoñible na sede electrónica da xunta de Galicia (https://sede.xunta.es)


 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal