Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Novas do Concello

MONÓLOGO: José Manuel Rodríguez "ISI"

28/05/2015 - Novas do Concello

O domingo, 31 de maio, ás 19:30 horas, no Auditorio de Coles, teremos unha divertida tarde de humor na compaña de José Manuel Rodríguez "ISI", que nos presentará o "Curioso caso dunha familia con tres nais e un feixe de peculiares veciños"


ACTUACIÓN DO CANTAUTOR EMILIO RUA

04/05/2015 - Novas do Concello

O domingo día 10 de maio as 19:30 h no auditorio do concello de Coles, en Cambeo,  teremos ocasión de escoitar o cantautor Emilio Rúa.

Na actuación deste domingo Emilio Rúa, cos seus trinta anos no mundo da música, trae o seu recente quinto disco “Destino Sur”. O son do sur de Estados Unidos entrelazase coa música tradicional do sur de Galicia para ofrecer unha delicada mestura que equilibra a modernidade coa tradición mais cantautor ourensá, posto que estará arroupado por A Banda, os seus músicos dende xa fai tempo, que tecen con mestría cada unha das composicións e que fan que o espectador sexa testemuña dun espectáculo cargado de melodías e tenrura, de delicadeza e de enerxía que medra son a son e canción a canción ata crear un directo único e irrepetible.


PREVENCIÓN DE INCENDIOS FORESTAIS

04/05/2015 - Novas do Concello

Coa chegada do verán é do máximo interese para tódolos veciños e veciñas de Coles que as fincas, montes e solares existentes no Concello se atopen nun adecuado estado de limpeza e coa masa vexetal desbrozada. Se ben este é un deber que teñen os propietarios de terreos durante todo o ano, nestas datas cobra unha especial relevancia perante o risco de incendios.

A lexislación vixente é moi clara ó respecto; así de conformidade co disposto na Lei 3/2007, do 9 de abril, de prevención e defensa contra os incendios forestais de Galicia, obriga a:

- Limpeza da maleza, antes do 30 de xuño de cada ano, que se atope a menos de 50 metros de calquera tipo de edificación (50 metros no caso de certas árbores).

O incumprimento dará lugar á imposición de sancións por parte da Consellería do Medio Rural e do Mar.


CHARLA INFORMATIVA: ALIMENTACIÓN E DIABETE

04/05/2015 - Novas do Concello

O xoves día 7 de maio as 18:30 h no auditorio o Concello de Coles en colaboración coa Asociación de Diabetes organizan una charla sobre ALIMENTACIÓN E DIEBETE sendo a ponente Dona MARISA RUIZ, enfermeira especialista en diabete.


BOTANDO REDES

01/04/2015 - Novas do Concello

Coa posta en marcha deste primeiro ciclo de talleres ó que denominamos BOTANDO REDES, pretendemos achegar as novas tecnoloxías a toda a sociedade, xa que supón importantes vantaxes sobre todo para as persoas maiores, pero resulta evidente que existe un distanciamento que xera desigualdade no uso e proveito destas.

As novas tecnoloxías que para algúns deles son totalmente alleas, dende o propio manexo do ordenador e móbil, ata o coñecemento das redes sociais, uso de internet, conta de correo, videoconferencia etc., sendo un medio idóneo para ampliar as súas relacións sociais, posibilitando o contacto diario con familiares e amigos, facilitando o acceso a calquera tipo de información que lles sexa de interese: prensa diaria, cultura, saúde, etc. Así como o uso de móbiles como medio de comunicación e futuros dispositivos tecnolóxicos con aplicacións sociais e sanitarias de emerxencia. Os resultados obtidos van resultar unha motivación para os usuarios, descubrir as múltiples aplicacións do manexo destas tecnoloxías que nos fan a vida máis doada.

En definitiva, grazas ós adiantos da tecnoloxía, os nosos maiores poden vivir no seu fogar e cidade cunha mellor calidade de vida, evitando os efectos que o illamento e a dependencia puidera provocar.

Os talleres realizaranse na aula de informática os venres, días 10, 17 e 24 de abril e 8, 15, 22 e 29 de maio ás 18 horas.

As prazas son limitadas e é necesaria a inscrición nas oficinas do concello ou ben por teléfono.


 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal