Tlf. 988 205 134    |    Fax 988 205 107   |   info@concellodecoles.com
Web en Galego GALEGO    |    Web en Castellano CASTELLANO

Novas do Concello

AUDITORIO DE COLES - FEBREIRO E MARZO

16/02/2018 - Novas do Concello

Ó longo dos meses de febreiro e marzo vanse realizar as seguintes actuacións no Auditorio de Coles:

O domingo día 25 de febrerio, o grupo “OS MENINOS” farannos un percorrido pola música portugusesa.

O domingo día 4 de marzo, a quenda será para o grupo “CLAVE DE FADO”, formación galega nacida a finais de 2009 con sons máis característicos de Galicia e Portugal (fados, bossasfadeiras,) e tamén en clave de bossa-nova.

O domingo día 11 de marzo, vai ofrecernos un concerto o grupo “Cantareiras Charamusga” da Escola de Música de Coles, formado por veciñas e veciños do noso concello.

Este concerto vai ser para conmemorar o Día da Muller, que se celebra o 8 de marzo. Este día, declarado oficialmente pola ONU en 1975, é un recoñecemento ás mulleres como artífices da historia e da loita pola súa liberación e igualdade co home. Reivindícase a todas as mulleres e a igualdade completa de dereitos.

Pero no 2018 aínda hai pouco que celebrar, e moito que reclamar: a fin da discriminación, que se erradiquen as violencias machistas, que se acade a igualdade salarial, a universalización dos coidados, o dereito para decidir, a libre elección... e a erradicación dos asasinatos machistas, unha verdadeira lacra. Non podemos seguir permitindo esta ideoloxía machista na que algúns homes se cren co dereito de asasinar mulleres polo mero feito de ser mulleres.

Seguiremos o domingo día 18 de marzo, co grupo de Percusión "ODAIKO", un concerto para que o público esperte o seu enxeño e se achegue ó fermoso mundo do espectáculo. Concerto no que o grupo ODAIKO fará fincapé nos tres elementos que sempre a caracterizaron como banda: o virtuosismo, o humor e a posta en escena. Juan Collazo, Antonio Ocampo, Félix Rodríguez e Fran Troncoso forman Odaiko Percussion Group. Odaiko é un grupo de percusión contemporánea que fusiona sons do jazz, o flamenco, o folk e mesmo sons traídos da música tradicional hindú e senegalesa.

Todos os concertos van ser ás 18:30 h.


II TORNEO DE FÚTBOL POLA IGUALDADE - DÍA INTERNACIONAL DA MULLER

16/02/2018 - Novas do Concello

Dende o CIM da Mancomunidade de Santa Águeda estase a organizar o II Torneo de Fútbol pola Igualdade, para conmemorar o Día Internacional da Muller, que se celebrará o próximo día 3 de marzo, ás 16:00 h, no Campo de Fútbol O Marco de A Peroxa (en caso de mal tempo no Polideportivo).

Este torneo naceu co propósito de levar a cabo unha iniciativa para a sensibilización da importancia da igualdade e do papel da muller no deporte, así como para crear lazos entre a poboación da Mancomunidade de Santa Águeda.

Poderán inscribirse para o Torneo, as persoas maiores de 16 anos orixinarias da Mancomunidade,sendo preciso facer a inscrición nas dependencias do CIM , télefono 988 286 184 en A Pena s/n, 32101, Vilamarín, no correo electrónico cimsantagueda@gmail.com, ou ben no Concello de Coles. No caso de menores de 18 anos, será necesaria autorización.

O día do Torneo, celebrarase un partido institucional disputado por representantes das Corporacións Municipais, por traballadores/as dos Concellos, dos Centros de Saúde, dos Centros Educativos...

Posteriormente terá lugar o Torneo de Fútbol, no que se xogarán dous partidos eliminatorios cos equipos mixtos de cada Concello, xogando a Gran Final os vencedores de cada partido.


FESTA DE ENTROIDO 2018

04/02/2018 - Novas do Concello

O sábado, 10 de febreiro, de 16:30 h a 19:30 h, ven a desfrutar o Entroido no Polideportivo de Albán.

Haberá concurso de disfraces: Infantil e grupos,  con trofeos para 1º, 2º e 3º premio .

E tamén inchables, touro mecánico, música e moita diversión.

prezo da entrada será 1 euro.

A recadación e para a excursión final de curso 4º da E.S.O.

Organiza:  Alumnado de 4º da E.S.O, ANPA CPI Antonio Faílde e Concello de Coles

Será preciso ir acompañado dun adulto.


TALLERES ACTIVOS

02/02/2018 - Novas do Concello

mércores 14 de febreiro, comezarán nos distintos locais sociais os "TALLERES ACTIVOS", que consistirán no traballo de actividades de memoria, risoterapia, relaxación... e no que poderán participar todas aquelas persoas empadroadas que estean interesadas.

Estes talleres son totalmente gratuítos e non é preciso inscrición previa.


Resultado selección contratación persoal laboral temporal APROL RURAL 2017

19/12/2017 - Novas do Concello

Á vista da resolución de data 29/11/2017 da Consellería de Economía de Emprego e Industria, pola que se concede ao concello de Coles unha subvención para a contratación de dous peóns forestais, e unha vez tramitada a correspondente oferta de traballo na oficina de emprego, tal e como exixe a convocatoria, achéganse os resultados da baremación do Tribunal de Selección sobre a entrevista que tivo lugar o día 19/12/2017.


 

Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
Programación e Deseño Web: Ainet Consulting
(C) Concello de Coles - Aviso Legal